Сүрө 44 Духан, аят 1 – 29

1. حم

   Хаа, Миим.

   44:1

2. وَالْكِتَابِ الْمُبِينِ

   Ачык баяндоочу Китепке ант!

   44:2

3. إِنَّا أَنْزَلْنَاهُ فِي لَيْلَةٍ مُبَارَكَةٍ ۚ إِنَّا كُنَّا مُنْذِرِينَ

   Биз аны (Куранды) Ыйык (Кадыр) түнүндө түшүрдүк. Жана Биз (аны менен элдерди) эскертүүчүбүз.

   44:3

4. فِيهَا يُفْرَقُ كُلُّ أَمْرٍ حَكِيمٍ

   Ал түндө ар бир бекем, өзгөргүс иштер белгиленет.

   44:4

5. أَمْرًا مِنْ عِنْدِنَا ۚ إِنَّا كُنَّا مُرْسِلِينَ

   Биздин буйругубуз болгону себептүү. Чынында, Биз пайгамбарларды жиберүүчүбүз.

   44:5

6. رَحْمَةً مِنْ رَبِّكَ ۚ إِنَّهُ هُوَ السَّمِيعُ الْعَلِيمُ

   Раббиңден ырайымдуулук иретинде. Чынында, Ал - Угуучу, Билүүчү!

   44:6

7. رَبِّ السَّمَاوَاتِ وَالْأَرْضِ وَمَا بَيْنَهُمَا ۖ إِنْ كُنْتُمْ مُوقِنِينَ

   (Жана Ал) эгер ишенсеңер, асмандардын, жердин жана ал экөөнүн ортосундагы (бардык) нерселердин Раббиси!

   44:7

8. لَا إِلَٰهَ إِلَّا هُوَ يُحْيِي وَيُمِيتُ ۖ رَبُّكُمْ وَرَبُّ آبَائِكُمُ الْأَوَّلِينَ

   Эч бир кудай жок, жалгыз Өзү бар! Ал тирилтет жана өлтүрөт. Силердин жана абалкы ата-бабаңардын Раббиси!

   44:8

9. بَلْ هُمْ فِي شَكٍّ يَلْعَبُونَ

   Жок! Алар (ойлонуунун ордуна) күмөн санап оюнкарактык кылышууда!

   44:9

10. فَارْتَقِبْ يَوْمَ تَأْتِي السَّمَاءُ بِدُخَانٍ مُبِينٍ

    Сен (алардын башына) асман анык түтүн келтирген Күндү күт.

    44:10

11. يَغْشَى النَّاسَ ۖ هَٰذَا عَذَابٌ أَلِيمٌ

    Бул жан ооруткан азап (түтүн) адамдарды (мушриктерди) ороп алат.

    44:11

12. رَبَّنَا اكْشِفْ عَنَّا الْعَذَابَ إِنَّا مُؤْمِنُونَ

    (Анан алар): «О, Рабби! Биз ыйман келтирели! Бизден азапты арылта көр!» (дешет).

    44:12

13. أَنَّىٰ لَهُمُ الذِّكْرَىٰ وَقَدْ جَاءَهُمْ رَسُولٌ مُبِينٌ

    Алар кайдан эсине келмек эле! Акыры, аларга (ушуга чейин эле) анык баяндоочу пайгамбар келген.

    44:13

14. ثُمَّ تَوَلَّوْا عَنْهُ وَقَالُوا مُعَلَّمٌ مَجْنُونٌ

    (Бирок) кийин андан жүз үйрүп: «(Куран сага христиан аалымдары тарабынан) үйрөтүлгөн. (Сен) жиндисиң» – дешти.

    44:14

15. إِنَّا كَاشِفُو الْعَذَابِ قَلِيلًا ۚ إِنَّكُمْ عَائِدُونَ

    Биз, аныгында, силерден азапты бир аз арылттык. Силер болсо (күнөөгө кайра) кайттыңар.

    44:15

16. يَوْمَ نَبْطِشُ الْبَطْشَةَ الْكُبْرَىٰ إِنَّا مُنْتَقِمُونَ

    (Анан) чоң азап менен азапталган күнү Биз силерден өч алдык.

    44:16

17. وَلَقَدْ فَتَنَّا قَبْلَهُمْ قَوْمَ فِرْعَوْنَ وَجَاءَهُمْ رَسُولٌ كَرِيمٌ

    Биз алардан мурун Фараон элин сынадык. Аларга улук элчи (Муса) келди.

    44:17

18. أَنْ أَدُّوا إِلَيَّ عِبَادَ اللَّهِ ۖ إِنِّي لَكُمْ رَسُولٌ أَمِينٌ

    (Жана мындай деди): «Аллахтын пенделерин мага тапшыргыла! Мен силерге ишеничтүү пайгамбармын.

    44:18

19. وَأَنْ لَا تَعْلُوا عَلَى اللَّهِ ۖ إِنِّي آتِيكُمْ بِسُلْطَانٍ مُبِينٍ

    Өзүңөрдү Аллахтан жогору койбогула! Мен силерге анык далилдерди алып келдим.

    44:19

20. وَإِنِّي عُذْتُ بِرَبِّي وَرَبِّكُمْ أَنْ تَرْجُمُونِ

    Мени ташбараң кылууңардан коргоо тилеп өзүмдүн жана силердин Раббиңерге жалбарамын.

    44:20

21. وَإِنْ لَمْ تُؤْمِنُوا لِي فَاعْتَزِلُونِ

    Эгер ыйман келтирбесеңер, мени жөн койгула»

    44:21

22. فَدَعَا رَبَّهُ أَنَّ هَٰؤُلَاءِ قَوْمٌ مُجْرِمُونَ

    Анан ал Раббисине: «Алар күнөөкөр элдер экен. (Аларга азап жибер)» – деп дуба кылды.

    44:22

23. فَأَسْرِ بِعِبَادِي لَيْلًا إِنَّكُمْ مُتَّبَعُونَ

    (Аллах анын дубасын кабыл алып) «Менин пенделеримди алып түнү менен (Мисирден) чык. Силердин артыңардан кубалашат» - деп, (вахий кылды). (Фараон аларга жетейин деп калганда Аллах таала Мусага «Таягың менен деңизди ур» деп вахий кылат. Буйрукту аткарганда, он эки уруу үчүн деңизден он эки жол ачылат. Муса эли менен аман-эсен өтүп, деңизди дагы баягы калыбына келтирүү үчүн таягын саздап калганда, Аллах таала, алардын артынан келген Фараоун аскерлерин деңиз-жолго киргизүү үчүн, Мусага:)

    44:23

24. وَاتْرُكِ الْبَحْرَ رَهْوًا ۖ إِنَّهُمْ جُنْدٌ مُغْرَقُونَ

    «Деңизди жөн кой. Алар чөгүп кетүүчү аскерлер!» – деди.

    44:24

25. كَمْ تَرَكُوا مِنْ جَنَّاتٍ وَعُيُونٍ

    Алар нечендеген бактарды, булактарды,

    44:25

26. وَزُرُوعٍ وَمَقَامٍ كَرِيمٍ

    Эгиндерди, эң мыкты үй-жайларды

    44:26

27. وَنَعْمَةٍ كَانُوا فِيهَا فَاكِهِينَ

    Жана ойноп-чардаган (башка көп) нээматтарды (ээсиз калтырып чөгүп кетишти).

    44:27

28. كَذَٰلِكَ ۖ وَأَوْرَثْنَاهَا قَوْمًا آخَرِينَ

    Ошентип, Биз аларды башка коомго (Исраил урпактарына) мурастап бердик.

    44:28

29. فَمَا بَكَتْ عَلَيْهِمُ السَّمَاءُ وَالْأَرْضُ وَمَا كَانُوا مُنْظَرِينَ

    Аларга асман да, жер да ыйлаган жок! Аларга мөөнөт да берилген жок!

    44:29

Котормо: Шамсуддин Хакимов